விதைக்கும் முன்பு, விதைகளை கார்பென்டாசிம் அல்லது திரம் @ 2 கிராம்/ கிலோ வீதம் 24 மணி நேரம் சிகிச்சை செய்யவேண்டும் (அல்லது) டிரைக்கோடெர்மா விரிடி @ 4 கிராம்/ கிலோ விதை (அல்லது) சூடோமோனாஸ் @ 10 கிராம் / கிலோ விதை பயன்படுத்தலாம். உயிரி கட்டுப்பாட்டு செயலி உயிர் உரங்களுக்கு ஏற்றதாக இருக்கும்.

முதலில் விதைகளை உயிரி கட்டுப்பாட்டு செயலியில் சிகிச்சை செய்த பின்னர் ரைசோபியம் கொண்டு சிகிச்சை செய்யவேண்டும்.

பூஞ்சை கொல்லி மற்றும் உயிர்மகட்டுப்பாடு செயலிக்கு முரணானது.

காளான் கொல்லி (அல்லது) உயிர்மகட்டுப்பாடு செயலியில் சிகிச்சை செய்த விதைகளை மீண்டும் 24 மணி நேரம் கழித்து பாக்டீரியா செயலியில் சிகிச்சை செய்ய வேண்டும்.

ஒரு ஹெக்டருக்கு விதைகளை சிகிச்சை செய்ய தமிழ்நாடு வேளாண்மைப் பல்கலைக்கழகத்தால் உருவாக்கப்பட்ட ரைசோபியம் CRR 6 / CPR 9, பாஸ்போபாக்டீரியா (பேசில்லஸ் மெகாடேரியம்) மற்றும் PGPR (சூடோமோனாஸ்) ஒவ்வொன்ரும் மூன்று பாக்கெட்டுகள் (600 கிராம்) தேவை.

சிவப்பு குறுமண் நிலத்திற்கு, ரைசோபியம் VPR1 பயனுள்ளதாக இருக்கும்.

ரைசோபியம் விதை நேர்த்தி செய்யும்போது மட்டுமே அரிசி கஞ்சி சேர்ப்பான் பயன்படுத்த வேண்டும்.

விதைநேர்த்தி செய்யவில்லையெனில் பாஸ்போபாக்டீரியா 10 பாக்கெட் (2 கிலோ) (பேசில்லஸ் மெகாடேரியம்) மற்றும் PGPR (சூடோமோனாஸ்) 10 பாக்கெட் (2 கிலோ) 25 கிலோ மண் மற்றும் 25 கிலோ தொழு உரத்துடன் விதைக்கும்முன்பு பயன்படுத்த வேண்டும்.