• காடுகளிலிருந்து நாம் பல்வேறு வகையான பயன்களைப் பெறுகிறோம். விறகுகள், மரக்கட்டைகள், தீவனங்கள் மற்றும் பல பொருட்களைப் பெறுகிறோம். அதோடு காடுகள் நீர் மற்றும் மண் வளத்தைப் பாதுகாக்கவும், வனவிலங்குகளுக்கு ஒரு சிறந்த உறைவிடமாகவும் திகழ்கின்றன. வனவியல் துறை காடுகளில் மரங்களின் எண்ணிக்கையை அதிகரிப்பதையும், அவற்றைப் பாதுகாப்பதையும் முக்கிய நோக்கமாகக் கொண்டுள்ளன.
• மலைத்தோட்டப் பயிர்கள் மற்றும் நாற்றங்கால் பயிர்களின் உற்பத்தியையும், வளர்ச்சியையும் நோய்கள் அதிகளவு பாதிக்கின்றன. இவ்வாறு நோய்த்தாக்குதலினால் தரம் மற்றும் மரங்களின் எண்ணிக்கையும் குறைகிறது. நோய்த்தாக்கம் ஏற்படும்போது அதிக அளவிலான மரக்கன்றுகள் அழிந்து விடுகின்றன அதோடு பாதிக்கப்பட்ட கன்றுகள் நட்டபின்பு வளரவும் இயலாதாகையால் சரியான திட்டங்களைச் செயல்படுத்த இயலாது. எனவே தரமான நாற்றுகளைப் பெற நாற்றங்காலில் முறையான பூச்சி மற்றும் நோய்த்தடுப்பு முறைகளைக் கையாள வேண்டும்.
• பல்வேறு காரணிகள் பூச்சி மற்றும் நோய்த்தாக்குதலுக்குக் காரணமாக அமைகின்றன. சரியான முறைகளை சரியான நேரத்தில் கையாளுவதன் மூலம் நோய்த்தாக்கம் ஏற்படாதவாறு பாதுகாக்கலாம். பூஞ்சான் கொல்லி உபயொகம். பழமையான தடுப்பு முறைகள், உயிர்கட்டுப்பாட்டு முறைகள், உயிர் உரம் போன்றவற்றின் மூலம் நோய்த்தாக்குதலை ஒரளவு தவிர்க்க முடியும்.

© தமிழ்நாடு வேளாண்மைப் பல்கலைக்கழகம் அனைத்து உரிமைகளும் -2016