விதை மாதிரி எடுத்தல்

• விதை மாதிரி எடுத்தல் முறைகளும், வகைகளும்
• மாதிரி எடுத்தல் இடைவெளி
• மாதிரி எடுத்தல் அளவு  மற்றும் அனுப்புதல்

நோக்கம்

• ஒரு விதைக்குவியலிலிருந்து தேர்வு செய்து எடுக்கப்பட்ட ஒன்றுபட்ட விதைகளே விதை மாதிரியாகும். விதைக் குவியலை ஒப்பிடும்பொழுது மாதிரியின் அளவு மிகச்சிறியதாக இருக்கும் என்பதால், மாதிரியை தேர்வு செய்வதில் மிகுந்த கவனம் வேண்டும்.
• விதை மாதிரிகளை தயார் செய்யும் பொழுது அவை ஐஎஸ்டிஏ விதிகளுக்கு உட்பட்டவையாகவும் அந்த விதைக்குவியலின் வகைக்குரியதாகவும் (Representative sample) இருப்பது அவசியமாகும்.

விதை மாதிரியின் வடித்தம்

பரிசோதனை நிலையங்களுக்கு அனுப்பப்படும் அனைத்து இரக மாதிரிகளுக்கும் ஒரு துணைப் பதிவு எண் (Accession No) கொடுக்கப்படும். இந்த எண்ணை எதிர்கால குறிப்புகளுக்கு வைத்துக் கொள்ளலாம்.

விதைக் குவியல்

விதைக் குவியல் என்பது ஒரு பயிரிடப்பட்டஇரகத்தின் குறிப்பிட்ட விதை அளவு ஆகும். அந்த விதையின் வெளிப்புற அடையாளம் கண்டு அந்த இரகத்தினை கண்டுகொள்ள  ஏதுவாக இருக்கவேண்டும்.

மேலே

விதை மாதிரி எடுத்தல் முறைகள்
கைகளால் விதை மாதிரி எடுத்தல்

விதைகளின் வெளிப்புறத்தில் மெல்லிய மயிரிழைகளாலும் பூவடிச் செதில்களாலும் சூழப்பட்ட விதைகளான பருத்தி, தக்காளி மற்றும் புல்விதைகள் இம்முறை மூலம் மாதிரி எடுக்கப்படும். இந்த முறையில் விதை சேமிப்பு சாக்குகளின் அடிப்புறத்தில் இருந்து மாதிரி எடுத்தல் கடினம். ஆதலால் விதைகளை கொட்டி பின் கைகளால் மாதிரி எடுக்கவேண்டும். குறிப்பாக விரல் இடுக்குகளில் விதைகள் கீழே விழாமல் கவனமாக இருக்கவேண்டும்.

குத்தூசி / துளைக்கருவி மூலம் விதை மாதிரி எடுத்தல்

எளிதில் வழிந்தோடும் வழவழப்பான விதைகள் இம்முறையில் மாதிரி எடுக்கப்படும். இவ்வகை விதைகளை துளைக்கருவி மூலம் மாதிரி எடுக்கலாம்.

கொள்கலன் விதை மாதிரி சாதனம்

கொள்கலன்களில் சேமிக்கப்பட்டுள்ள விதைக் குவியல்களிலிருந்து மாதிரி எடுக்க இதனைப் பயன்படுத்தலாம்.

நொப்பி குத்தூசி

விதை மாதிரி எடுத்தல் முறைகளின் தந்தை என்றழைக்கப்படும் “ப்ரெட்ரிக் நொப்பி” என்பவரின் பெயரால் இம்முறை அழைக்கப்படுகிறது. விதைகளின் அளவிற்கு ஏற்றாற்போல்  இக்குத்தூசியின் பரிமாணங்களை மாற்றிக்கொள்ளலாம். அதன் சிறிய குழாய் போன்ற அமைப்பின் முனையில் ஒரு நீள்வட்டத் துவாரம் இருக்கும். இந்தக் குழாய்களை விதைப் பைகளின் மையத்தில் வைத்து அந்தத் துவராதம் வழியாக விதை மாதிரியை எடுத்தல் வேண்டும்.

நீண்ட கம்பு போன்ற குத்தூசி

விதை மாதிரி எடுக்க அதிக அளவில் உபயோகப்படுத்தப்படுவது இந்த குத்தூசி ஆகும். இதில் இரு வகைகள் உள்ளன.

இந்தச் சாதனத்தின் உட்புறம் ஒரு பித்தளைக் குழாய் இருக்கும். அதை ஒட்டிய மேல்புறம் நீண்ட கம்பு போன்ற கூரிய முனைப்பகுதி இருக்கும். உள்புறக் குழாய் மற்றம் வெளிப்புறக் குழாயில் துவாரங்கள் இருக்கும். உள்புறக் குழாயை திருப்பினால் இரு குழாய் துவாரங்களும் நேர்கோட்டில் இருக்கும். உள்புற பித்தளைக் குழாய் பகுதிகள் இருந்தும் /  இல்லாமலும் இருக்கும்.

இந்தக் கருவியை கிடைநிலையிலோ, செங்குத்தாகவோ உபயோகிக்கவேண்டும். விதைப் பைகளின் உள்ளே மூலைவிட்டமாக 30 டிகிரி கோணத்தில் மூடிய நிலையில் உள்ளே செலுத்தவேண்டும். அதன் பின் துவாரங்களை திறந்தால் விதைகள் இக்கருவியின் உள்ளே நிரப்பிக்கொள்ளும். மீண்டும் அந்தத் துவாரங்களை மூடிய நிலையில் திறந்து விதை மாதிரியை ஒரு வாளியில் சேகரிக்கவேண்டும்.

மேலே

மாதிரி எடுத்தல் வகைகள்

1. முதன்மை மாதிரி

ஒரு பையிலோ அல்லது குவியலில் இருந்தோ கையளவில் அல்லது கருவிகள் மூலம் எடுக்கப்படும் முதல் விதை மாதிரி முதன்மை மாதிரி ஆகும்.

2. ஒருங்கிணைந்த மாதிரி

பல முதன்மை மாதிரிகளை ஒன்று சேர்த்து உள்ளது ஒருங்கிணைந்த மாதிரி ஆகும்.

3. சமர்ப்பித்த மாதிரி

ஒருங்கிணைந்த மாதிரியைப் பாதியளவாகவோ (அ) ஆங்காங்கே எடுத்த சிறிய அளவை ஒன்று சேர்த்தோ விதை பரிசோதனை நிலையத்திற்கு சமர்ப்பிக்கவேண்டிய சிறு அளவு மாதிரி ஆகும்.

4. ஆய்வு மாதிரி

சமர்ப்பித்த மாதிரியிலிருந்து பிரித்து பரிசோதனைக் கூடங்களில் சோதனைக்கு எடுக்கப்படுவது செயல் மாதிரி ஆகும்.

மாதிரி எடுக்கும் திண்ணம்

பைகளிலோ அல்லது குவியலாகவோ சேமிக்கும் விதைகளின் மாதிரி எடுக்கும் திண்ணம் ஐஎஸ்டிஏ விதிகளின் படி அமையவேண்டும்.

பைகளில் / மூட்டைகளில் எடுக்கப்படும் விதை மாதிரி

சிறிய பெட்டிகளிலோ, பொட்டலங்களிலோ விதைகள் இருந்தால் 100 கிலோ எடையளவு விதையை அடிப்படைப் பகுதியாக வைத்துக் கொண்டு அவைகளை ஒன்று சேர்த்த 20 பகுதிகாளக 5 கிலோ எடையுடன் வைக்கவேண்டும். ஒவ்வோர் பகுதிகளையும் மாதிரி எடுக்கும் போது கணக்கில் கொள்ளவேண்டும்.

மேலே

விதை அளவு அதிகமாக இருக்கையில்

விதை மாதிரி அனுப்புவதற்கான விதிமுறைகள்

பரிசோதனைக்கு அனுப்பும் மாதிரியின் அளவு 
சமர்ப்பித்த மாதிரியின் எடை
பல்வேறு சோதனைகளுக்கான விதையின் எடை கீழ்கண்டவாறு இருக்கவேண்டும்.
1. ஈரப்பதம் சோதனை
அரைக்கும் தானிய வகைகள் -    100 கிராம்
மற்றவை                 -           50 கிராம்
2. சிற்றினம் மற்றும் பயிரிடக்கூடிய இனம் ஆகியவற்றை உறுதி செய்ய

சமர்ப்பித்த மாதிரியை அனுப்புதல்

விதைப் பரிசோதனைக்கூடங்களில் பயன்படுத்தப்படும் மாதிரியின் வகைகள்

சேவை விதை

விதை சான்றிதழ் மையங்கள் மற்றும் விதை ஆய்வாளர்கள் தவிர மற்றவர் அனுப்பும் விதை மாதிரி.

சான்று விதை

சான்றிதழ் மையங்கள் மற்றும் அலுவலர்களிடம் இருந்து பெற்ற விதை

அதிகாரப்பூர்வ விதை

விதை ஆய்வாளர்களிடம் இருந்து பெற்ற விதை

மேலே

விதைத் தூய்மை மற்றும் மற்ற சிற்றினங்களில் விதை எண் போன்ற சோதனைகளுக்கு தேவையான  விதை அளவு

ஆதாரம் : M. Bhaskaran, 2003. Text book “Principles of Seed Production and Quality Control”

தகவலுக்கு
பேராசிரிய மற்றும் தலைவர்
விதை மையம்
தமழ்நாடு வேளாண்மை பல்கலைக்கழகம்
கோயமுத்தூர்-641003.
தொலைபேசி எண்:0422-661232.
மின்னஞ்சல்: seedunit@tnau.ac.in

மேலே