கொம்புப்புழு

தாக்குதலின் அறிகுறிகள் :
இலைத் தாள்களை புழுக்கள் உண்ணும். இலைகளின் ஓரங்கள் அல்லது நுனியிலிருந்தோ ஒழுங்கற்றவாறு உண்டு, இலைகள் உதிர்ந்துவிடும்.
	புழுக்கள் இலைகளை உண்ணும்	கொம்பு புழுக்கள் வயலில் காணப்படும்

மேலே செல்க

பூச்சியை கண்டறிதல் :
அறிவியல் பெயர் - மெலானிடிஸ் லிடா இஸ்மெனே முட்டை : வெள்ளை நிறத்தில், முட்டை வடிவமாக நெற்பயிர் இலைகளின் மேல் தனித்தனியாக இடப்படும். புழு : பச்சை நிறத்தில் சொரசொரப்பான தோலுடன், மேல்புறம் தட்டையாகவும் காணப்படும். கரும்பழுப்பு நிற தலையுடன், சிகப்பு நிறத்தில் இரண்டு கொம்பும், பின்புறத்தில் மஞ்சள் நிற கொடுக்கும் காணப்படும். இப்புழுக்கள் இலைகளை உண்கின்றன. கூட்டுப்புழு : கரும்பச்சை நிற கூட்டுப்புழு இலைப்பரப்புடன் ஒட்டிக்கொண்டிருக்கும். முதிர்பூச்சி : அடர்பழுப்பு நிறத்தில் பெரிய இறக்கைகளுடன், ஒவ்வொரு முன் இறக்கைகயிலும் சில கருப்பு மற்றும் மஞ்சள் நிறக் கண் போன்ற குறிகளுடனும், பின் இறக்கைகளில் ஆறு கண் போன்றப் புள்ளிகளையும் கொண்டிருக்கும்.

	கொம்புப்புழு	கொம்புப்புழு

	முதிர்ப்பூச்சி

மேலே செல்க

மேலாண்மை :
வரப்புகளை சீர் செய்து, உழவு செய்வதால் பூச்சிகளின் முட்டைகளை மண்ணிற்கு வெளியே கொண்டு வரமுடியும். இதனை பறவைகள் இரையாக்கிக்கொள்கின்றன. 5-10% பியூட்டா ஹெக்ஸா குளோரைடு (அ) மிதைல் பாரத்தியான் 2 % @ 25- 30 கிலோ/எக்டர் (அ) ஃபெனிட்ரோதியான் (அ) மேலத்தியான் 5% @ 20 கிலோ/எக்டர் என்ற அளவில் துாவிவிட வேண்டும். நுவான் 100 இ.சி.@ 200 மிலி/எக்டர் (அ) மாலத்தியான் 50 இ.சி @ 2.5 லிட்டர்/எக்டர் என்ற அளவில் தெளிக்க வேண்டும். என்டோசல்பான் 35 இ.சி. 1000 மிலி/எக்டர் (அ) மோனோகுரோட்டோபாஸ் 36 டபல்யு.எஸ்.சி 500 மிலி/எக்டர் என்ற அளவில் தெளித்தல் வேண்டும். உயிரி கட்டுப்பாட்டு காரணிகளான கக்காலஸ் சிற்றினம், பேரிகோமஸ் சிற்றினம், சீலியோ சிற்றினம் ஆகிய முட்டை ஒட்டுண்ணிகளைப் பயன்படுத்த வேண்டும். டிரைக்கோகிரேம்மா ஜப்போனிகம் என்ற முட்டை ஒட்டுண்ணியை நடவு செய்த 30 மற்றும் 37 வது நாட்களிலும் (இருமுறை) டிரைக்கோகிரேம்மா சிலோனிஸை நடவு செய்த 37, 44 மற்றும் 51 நாட்களிலும் (மூன்று முறைகள்) வயலில் வெளிவிட வேண்டும். மோனோகுரோட்டோபாஸ் 1000 மிலி/எக்டர் என்ற அளவில் நடவு செய்த 58, 65 மற்றும் 72 வது நாட்களில் மொத்தம் மூன்று முறைகள் தெளிப்பதால் பூச்சியின் தாக்கத்தைக் குறைக்க முடிகிறது. குளவிகள் முட்டை ஒட்டுண்ணியாக செயல்படுகிறது. சல்சிட் குளவி மற்றும் டேகினிட் குளவிகளின் இரு சிற்றினங்கள் புழு ஒட்டுண்ணியாகவும், வெஸ்பிட் குளவி புழுவை இரையாகவும் உண்கின்றன.

	மோனோகுரோட்டோபாஸ் தெளிக்கவும்	டிரைக்கோகிரேம்மா ஜப்போனிகம

	நாற்றங்காலில் நீரை தேக்குவதால் மறைந்திருக்கும் புழுக்களை வெளிக்கொண்டு வரலாம்
மேலே செல்க