இட்லி கலவை
அரிசி ஐ.ஆர்.20 தண்ணீரில் 5 மணி நேரம் ஊற வைக்கவும். தண்ணீரை முழுவதுமாக வடித்துவிட்டு சூரிய ஒளி உலர்த்துவானில் 5 மணி நேரம் காயவைக்கவும். காய்ந்த அரிசியை அரைத்து பி.எஸ்-36 வகை சல்லடையில் கலக்கவும். உளுந்தை அரைத்து சலிக்கவும். அரிசி மற்றும் உளுந்துமாவை உலர்த்துவானில் 80 டிகிரி செல்சியஸ் வெப்பநிலையில் 2 மணி நேரம் காயவைக்கவும். ஆறவைத்து பாலித்தீன் பைகளில் இட்டு ஒட்டவும்.
அரிசி மாவு - 80 கிராம், உளுந்துமாவு - 20 கிராம், உப்பு - 2 கிராம், சிட்ரிக் அமிலம் - 0.05 சதவீதம், சோடியம் பை கார்பனேட் - 0.2 சதவீதம், அரிசி மற்றும் உளுந்து மாவுகளை 4:1 என்ற விகிதத்தில் உப்பு, சிட்ரிக் அமிலம், சோடியம் பை கார்னேட் சேர்த்து ஒன்றாக கலக்கவும். மற்றொருமுறையில் சிட்ரிக் அமிலம் மற்றும் சோடியம் பை கார்பனேட் சேர்க்காமல் 0.1 சதவீதம் ஈஸ்ட் சேர்க்கவும்.
|
 |
உடனடி இடியாப்ப மாவு
இடியாப்பம் என்பது புழுங்கல் அரிசி மற்றும் பச்சரிசி சேர்த்து தயாரிக்கப்படும் பதார்த்தம் ஆகும். இது இனிப்பு அல்லது காரம் சேர்த்தும் (எலுமிச்சை, தக்காளி, தயிர் இடியாப்பமாகவும்) சாப்பிடலாம்.
புழுங்கல் மற்றும் பச்சரிசியை 5 மணி நேரம் தனியாக ஊற வைத்து வடிகட்டவும். இதனை 5 மணி நேரம் சூரிய ஒளியில் காய வைக்கவும். இதனை பி.எஸ். 36 வலை சல்லடையில் சலிக்கவும்.
புழுங்கல் அரிசி மாவு - 50 கிராம்
பச்சரிசி மாவு - 50 கிராம்
உப்பு - 2 கிராம்
அனைத்தையும் ஒன்றாக கலந்து பாலித்தீன் பைகளில் போட்டு மூடவும்
|
 |
இடியாப்பம் தயாரிக்கும் முறை
தயாரித்த இடியாப்ப மாவுடன் (100 கிராம்) ஆவியில் 5 நிமிடம் இட்லி பாத்திரத்தில் வேகவைத்து சுடுநீர் (90 டிகிரி 120) சேர்த்து மாவு பிசையவும். மாவை பிழிய இடியாப்ப அச்சில் இட்டு பிழந்து 10 நிமிடம் ஆவியில் வேக வைக்கவும்.
முறுக்கு மாவு
அரிசி மாவு - 90 சதவீதம்
உளுந்து மாவு - 10 சதவீதம்
உப்பு - 2 கிராம்
தண்ணீர் - 92 மிலி
வெள்ளை எள்ளு - 5 கிராம்
செய்முறை
அரிசி மாவு, உளுந்துமாவு, உப்பு, எள்ளு சேர்த்து ஒன்றாக 80 பி.எஸ் வலை சல்லடையில் சலிக்கவும். இதனுடன் எண்ணெய் மற்றும் நீர் சேர்த்து பிசைந்து முறுக்கு பிழியில் எண்ணெய் சூடு செய்து 180 டிகிரி செல்சியஸ் வெப்பநிலையில் 3 முதல் 5 நிமிடங்கள் வரை பொறிக்கவும். |
|
வடகம் செய்தல்
பச்சரிசி மாவு - 100 கிராம்
பச்சை மிளகாய் - 1.5 கிராம்
சீரகம் - 4 கிராம்
உப்பு - 2 கிராம்
செய்முறை
250 மிலி தண்ணீருடன் மேற்கூறிய பொருட்களை ஒன்றாக போட்டு 10 நிமிடம் வேக வைக்கவும். நன்கு கெட்டியான கலவையை அச்சில் ஊற்றி பிழிந்து சூரிய ஒளியில் 5 மணி நேரம் உலர்த்தவும். காய்ந்த வடகத்தை பாலித்தீன் பைகளில் போட்டு மூடவும்.
எண்ணெய் 180 டிகிரி செல்சியஸ் வெப்பநிலையில் காய வைத்து 40 நொடிகளில் பொறிக்கவும்.
|
|
|
