|
ஆனைக்கொம்பன் ஈ
| தாக்குதலின் அறிகுறிகள்: |
- நடுக்குருத்து இலை வெள்ளித்தண்டு அல்லது வெங்காய இலை போன்று காணப்படுவதே முதன்மையான அறிகுறியாகும்.
- இந்த அறிகுறிகள் நாற்றங்கால் பருவத்திலிருந்து பூக்கும் பருவம் வரை காணப்படும்.
- தாக்கப்பட்ட துார்களின் அடிப்பகுதியில் வெற்றுத் துளைகள் அல்லது உருண்டை போன்ற முடிச்சு உருவாகும்.
- தாக்கப்பட்ட துார்களால் இலைகளின் வளர்ச்சி பாதிக்கப்படும். கதிர்கள் உருவாவது தடைபடும் அல்லது கதிர்களே உருவாகாது.
- பயிர்கள் வளர்ச்சி குன்றி, உருமாறி, வாடி, சுருண்ட இலைகளுடன் காணப்படும்.
|
 |
 |
| வெங்காயத்தாள் (அ) வெள்ளித் தண்டு காணப்படும் |
குழல் வடிவ முடிச்சுகள் தண்டில் காணப்படும் |
|
| மேலே செல்க |
| பூச்சியை கண்டறிதல் : |
|
அறிவியல் பெயர் - ஒர்சியோலியா ஒரைசே
- முட்டை :
இந்த ஈயானது நீளமான, உருளை வடிவத்தில், பளப்பளப்பான வெள்ளை அல்லது சிவப்பு அல்லது இளஞ்சிவப்பு நிற முட்டைகளை இலைகளின் அடிப்பகுதியில் தனியாகவோ அல்லது கூட்டமாகவோ இடும்.
- புழு :
புழு 1 மி.மீ நீளமுடன் முன் பகுதியில் கூர்மையாக இருக்கும். இவை இலையுறையின் கீழே ஊர்ந்து சென்று, வளரும் மொட்டுக்குள் நுழைகிறது. அவை உண்ட இடத்தைச் சுற்றி ஒரு முட்டைவடிவ உள்ளிடம் உருவாகும்.
- கூட்டுப்புழு :
கூட்டுப்புழு வெளிவரும் போது அதன் உணர்கொம்புகள் மூலமாக குழலினைச் சுற்றி, வெள்ளித் தண்டின் நுனிப்பகுதிக்கு சென்று, அதனுடைய பின் பகுதி மட்டும் வெளியே தள்ளிக்கொண்டு நிற்கும்.
- முதிர் பூச்சி:
மஞ்சள் கலந்த பழுப்பு நிறத்தில், கொசு போன்று சிறியதாக காணப்படும். ஆண் ஈக்கள் சாம்பல் நிறமாக இருக்கும். இலையிலுள்ள பனித்துளிகளை உட்கொள்ளும். |
 |
 |
| முட்டை |
புழு |
 |
 |
| முதிர் பூச்சி |
முதிர் பூச்சி |
|
| மேலே செல்க |
| மேலாண்மை: |
|
உழவியல் முறைகள்:
- எதிர்ப்புத் திறனுடைய இரகங்களான எம்டீயூ 3, சக்தி, விக்ரம், பவித்ரா, பஞ்சமி மற்றும் உமா ஆகிய இரகங்களைப் பயிரிட வேண்டும்.
- முதல் பயிர் பருவத்தில், தாமதமாக நடவு மேற்கொள்வதைத் தவிர்க்க வேண்டும்.
- அறுவடை செய்தவுடன் உடனடியாக நிலத்தை உழவேண்டும்.
- ஒரு எக்டருக்கு 100 கிலோ என்ற அளவில் விதையை பயன்படுத்தவேண்டும்.
- சாம்பல் சத்து உரத்தை பரிந்துரைக்கப்பட்ட அளவு மட்டும் பயன்படுத்தவேண்டும்.
- காட்டுநெல், அருகம்புல் வகைகள் போன்ற இணை களை மாற்றுப்பயிர்களை அழிக்கவேண்டும்.
- விளக்குப்பொறி வைத்து பூச்சிகளை கவர்ந்து அழிக்கலாம்.
|
 |
 |
| புற ஊதா விளக்கு பொறிகளை வைத்து ஆனைக்கொம்பனை அழிக்கலாம் |
எம்.டி.யு.3 எதிர்ப்பு இரகங்களை பயிரிடவும் |
| |
|
இரசாயன முறைகள்:
- பொருளாதார சேதநிலை: 10 சதவிகித யானைத்தந்த தண்டுகள் (அ) வெங்காய இலைகள்
- விதைப்பதற்கு முன் முளைவிட்ட விதைகளை 0.2% குளோர்பைரிபாஸ் கரைசலில் 3 மணி நேரத்திற்கு ஊற வைக்க வேண்டும். இவ்வாறு செய்வதால் 30 நாட்கள் வரை பயிர்களுக்கு தாக்குதல் ஏற்படாமல் தடுக்கலாம்.
- நாற்றுக்களின் வேர்களை 0.02% குளோர்பைரிபாஸ் கரைசலில் 12 மணி நேரம் நனைய வைத்து பின் நடவு செய்ய வேண்டும்.
- பூச்சி தாக்குதல் இருக்கும் வயல்களில், விதைத்த பத்து நாட்களுக்குள் போரேட் 10ஜி (1.5 கிலோ/எக்டர்), கார்போப்யுரான் 3 ஜி (0.5 கிலோ/எக்டர்), குயினைல்பாஸ் (1.5 கிலோ/எக்டர்) அல்லது குளோர்பைரிபாஸ் 10ஜி (0.5 கிலோ/எக்டர்) ஆகியவற்றின் குறுணைகளை இடவேண்டும். வயலில் 2-3 செ.மீ நீர் இருக்கும் நிலையில் இந்த குறுணைகளை வீசித் துாவிவிட வேண்டும். உரம் அளித்து குறைந்தது 4 நாட்களுக்கு வயலிலிருந்து நீர் வெளியேறாமல் பார்த்து கொள்ள வேண்டும்.
- ஃபென்தியான் 100 இ.சி. 500மி.லி (அ) எண்டோசல்பான் 35 இ.சி. 1000 மி.லி (அ) குயினால்பாஸ் 25 இ.சி. 1000மி.லி/எக்டர் என்ற அளவில் தெளிக்க வேண்டும்.
|
 |
 |
| போரேட் குருணைகளை இடவும் |
குளோர்பைரிபாஸ் கரைசலில் நாற்றுகளின் வேர்களை நனைக்கவும் |
| |
|
உயிரியல் முறைகள்:
- புழு ஒட்டுண்ணிகளான பிளேடிகேஸ்டெரிட், யூபெல்மிட் மற்றும் டிரோமாளிட் குளவிகள் ஆனைக்கொம்பன் ஈயை கட்டுபடுத்துகின்றன.
- பிளேடிகேஸ்கேஸ்டர் ஒரைசே கேம் என்ற புழு ஒட்டுண்ணியை 10 சதுர மீட்டருக்கு 1 என்ற
அளவில் நடவு வயலில் நடவு செய்து 10
நாட்களுக்கு பிறகு வெளியிடவேண்டும்.
- யூபெல்மிட் குளவிகளின் இரு சிற்றினங்கள் கூட்டுப்புழுவின் மீது ஓட்டுண்ணியாக வாழ்கின்றன.
- கரையான்கள் ஈயின் முட்டைகளையும், சிலந்திகள் முதிர் ஈக்களையும் உண்கின்றன.
- இரை விழுங்கியான தரை வண்டுகள் ஆனைக்கொம்பன் ஈயின் தாக்கத்தை கட்டுபடுத்துகின்றன.
- இரை விழுங்கியான டெட்ராக்னதா மற்றும் அர்ஜியோப் கட்லெளனேடா என்ற சிலந்திகளை நெல் வயலில் வாழ வடுவதால் முதிர் ஈக்களை கட்டுபடுத்தலாம்.
|
 |
 |
| புழு ஒட்டுண்ணி - பிளேட்டிகேஸ்டர் ஒரைசே |
சிலந்தி இரை விழுங்கி - டெட்ராக்நாத்தா |
| |
| மேலே செல்க |
|
