வேளாண்மை கல்லூரி மற்றும் ஆராய்ச்சி நிலையம், கிள்ளிகுளம்

இந்த கல்லூரியானது, தூத்துக்குடி மாவட்டத்தில் சமதளப்பரப்பில் வளநாடு மலையின் கீழ் அமைந்துள்ளது. இது 8.46’ வட அட்சரேகை மற்றும் 77.420 கிழக்கு தீர்க்க ரேகையிலும், கடல் மட்டத்திலிருந்து 40 மீட்டர் உயரத்திலும் அமைந்துள்ளது. இந்த கல்லூரியானது NH 7A, சாலை மார்க்கமான திருநெல்வேலி - தூத்துக்குடி சாலையில், திருநெல்பேலி இரயில் நிலையத்திலிருந்து 20 கிலோ மீட்டர் தொலைவில் மற்றும் வளநாட்டிலிருந்து 2 கிலோ மீட்டர் தொலைவிலும் அமைந்துள்ளது. இங்கு குறைந்த பட்ச 210 C வெப்பநிலையும் அதிகபட்சம்  370 C வெப்பநிலையிலும், மித வெப்ப மண்டல பகுதியில், 786 மி.மீ மழையளவு கிடைக்கிறது. இந்த வளாகத்தில் நன்செய் நிலம் களிமண் நிலத்திலும், புன்செய் நிலம் மணல் கலந்த மண் வகையிலும் உள்ளது. தரிசு நிலத்தில் செம்மணல் கலந்த மண்ணே பெரும் பகுதியைக் கொண்டுள்ளது.
தமிழ்நாடு வேளாண்மைப் பல்கலைக்கழகத்தில் இணைந்த மூன்றாவது கல்லூரியாக உருவானது. திருநெல்வேலி பேட்டை பகுதியில் முதன் முதலில் எம்டிடி ஹந்து கல்லூரியின் வாடகைப் பகுதியில் ஆரம்பித்தது. 1986 - 87 ஆம் ஆண்டில், கிள்ளிகுளம் மாநில விதைப் பண்ணையிலிருந்து நிலமும் கட்டிடம் கிடைத்தபின் பகுதி கல்விச் செயல்பாடு மாற்றப்பட்டது.

விவசாய சமூகத்திற்கு பங்காற்றல்

பயிர் மேம்பாடு

வெளியிடப்பட்ட இரகங்கள்

கே.கே.எம் : 1 கத்தரி

1994 ஆம் ஆண்டு வெளியிடப்பட்டு, இந்திய அரசால் 15 ஆண்டுகளுக்கு அங்கீகரிக்கப்பட்டு அறிவிக்கப்பட்டது. இது குளத்தூர் நாட்டு இரகத்திலிருந்து தேர்வு செய்யப்பட்டு, வெள்ளை நிறக் காய்களாகவும், நாட்டு இரகத்தை விட 21% அதிக மகசூல் தரக்கூடியதும் ஆகும். இது மானாவாரி மற்றும் இறவைக்கு ஏற்றது. இதில் 100 கிராமிற்கு 9 மில்லிகிராம் அஸ்கார்பிக் அமிலம் கொண்டதும் 135 நாள் வயதுடையதும் 37டன் ஹெக்டருக்கு மகசூல் தரவல்லது. இந்த இரகம், இப்பகுதிக்கு மிகவும் பிரசித்தியமானது மற்றும் தரமான விதை கொடுக்க, அதிக அளவில் விதை உற்பத்தி செய்யப்படுகிறது.

கே.கே.எம்:1 : கம்பு நேப்பியர்

இந்த வீரிய புல்லானது 2000 ஆம் ஆண்டு வெளியிடப்பட்டது. இது ஐ.பி 15507 ஐப்.டி 429 - லிருந்து உருவாக்கப்பட்டது. கோ.3 ஐ விட இது 50% சதவீதம் அதிக மகசூல் தரவல்லதும், 288 டன்/ஹெக்டருக்கு சராசரி பச்சை புல் ஆண்டுக்கு மகசூலாக கிடைக்க கூடியதும் ஆகும். இது அதிக சுண்ணாம்பு, மெக்னீசியம், பாஸ்பரஸ் சத்தும் மிகவும் குறைந்த ஆக்சலேட் உடையதும் ஆகும்.

கே.கே.எம்:1: சென்னா

(இது 2001 ஆம் ஆண்டு), தென்கலம் நாட்டு இரகத்திலிருந்து தேர்ந்தெடுத்து இது 2001 ஆம் ஆண்டு - வெளியிடப்பட்ட இரகமாகும். இது அதிக மகசூலான 900கிலோ/ஹெக்டர் - காய்ந்த இலை கொடுக்க வல்லதும், மானாவாரிக்கு ஏற்றதும் 2.5 சதவீதம் சென்னோசைட் கொண்டதும் ஆகும்.

சோதனையில் உள்ள இரகம்

ஏ சி கே 198 நெல்

இது பிசானம் பருவத்திற்கு ஏற்ற இரகமாக கண்டறியப்பட்டுள்ளது. இதன் சராசரி மகசூல் 5853 கிலோ/ ஹெக்டர், வயது 125 நாள் ஆகும். இது 11 சதவீதம் சாதாரண இரகத்தை விட அதிக மகசூல் தரவல்லது. இது கொள்ளை நோய், துங்ரோ நோய், தண்டு துளைப்பான் மற்றும் பழுப்பு நிற இலைத்தத்துப்பூச்சிக்கு மிதமான எதிர்ப்புத்திறன் கொண்ட இரகமாகும்.

பயிர் மேலாண்மை

பயிர் பாதுகாப்பு:

தோட்டக்கலை: