கடல் முகத்துரை மீன் வளர்ப்பு

பெரும்பாலான நீர் நிலைகள் ஆறுகள் இறுதியில் கடலில் சென்றுதான் கலக்கின்றன. சிற்றாறுகள், அருவி போன்ற சிலவற்றைத் தவிர மற்ற அனைத்து (எளிதில் வற்றிவறண்டுபோகிற) நீர்ப்போக்குகளும் கடலில் சென்று கலந்துவிடும். கடற்கரை ஓரங்களில் பல இடங்களில் ஆறுகள், நீரோடைகள், சிற்றருவிகள் வந்து கலப்பதைக் காணலாம். ஆறுகள் வந்து கலக்குமிடங்களில் நன்னீர் மற்றும் உவர்நீர் கலந்த ஒரு புதிய நீர்ச் சூழல் உருவாகும். இதை அமில செறிவு மாறா மண்டலம் என்று அழைக்கப்படுகிறது. கடல் முகத்துரை என்பது கடல்நீர் நன்னீர் கலக்கப்பட்டு அதன் உப்புத்தன்மை நீர்க்கப்படும் இடம் ஆகும்.

கடல்முகத்துரையின் பண்புகள்

பெரும்பாலான கடல் முகத்துறைகளில் இயற்பியல், வேதியியல், மற்றும் உயிரியல் பண்புகள் வேறுபட்டுக் காணப்படுகின்றன.

இந்தியாவின் முக்கிய கடல் முகத்துறைகள்

கடல்முகத்துறை - கடல்வாழ் உயிரினங்களின் (மற்றுமோர்) உறைவிடம்:

கடல் முகத்துறையில் உற்பத்தித்திறன் அதிகமாக இருப்பதால் பல கடல் வாழ் தாவர விலங்கு உயிரினங்கள் இங்கு வகிக்கின்றன. அதோடு கறுப்பு வால் கொண்ட கடல்பறவையும் இப்பகுதியில் காணப்படுகிறது.
இதில் இதில் இரண்டு முக்கியப் பிரச்சனைகள் உள்ளன. ஒன்று உப்புத் தன்மை மற்றொன்று வீழ்படிவு (வண்டல்) பல மீன் இனங்கள் இப்பிரச்சனைகளைச் சமாளித்துக் கொள்ளும். இதில் உப்புத்தன்மைக்கு ஏற்ப சரிசெய்து கொள்ளும் ‘ஊடமைவுத்’ திறன் பெற்றுள்ளன. சில உயிரினங்கள் வண்டலுக்குள் புதைந்து உப்புத் தன்மையிலிருந்து சமாளித்துக் கொள்கின்றன. பாக்டீரியாக்கள் அதிக எண்ணிக்கையில் வண்டலினுள் புதைந்து காணப்படுகிறது. இங்கு ஆக்ஸிஜன் அளவு குறைவு இவ்வுயிரிகள் சுவாசிப்பதால் ஆக்ஸிஜன் தீர்ந்து ஆக்ஸிஜனற்ற சூழ்நிலை உருவாக வாய்ப்புள்ளது.

கடல் முகத்துறை உயிரிகளுக்கு தாவர மிதவைகளே முக்கிய உணவாகும். அவை நீருடன் சேர்த்து அங்குமிங்கும் அலைந்து கொண்டிருக்கும். இதன் உற்பத்தி நீரின் கலங்கல் தன்மையைப் பொறுத்து இருக்கும். வண்டலில் இருகூற்று நுண்பாசி, இருகசை உயிரிகள் போன்ற மிதவைத் தாவரங்கள் அதிகம் இருக்கும்.

உலகின் 32 மிகப்பெரிய நகரங்களில் 22 நகரங்கள் கடல் முகத்துறையை ஒட்டியே அமைந்துள்ளன. உாரணமாக நியூ யார்க் நகரம் ஹட்சன் ஆற்றின் கடல் முகத்துறையில் அமைந்துள்ளது.

இக்கடல் முகத்துறைகளில் மனித குடியேற்றத்தால் மாசுபடுதல், அதிக மீன்பிடிப்பால் வளம் குறைதல் போன்ற விளைவுகள் ஏற்படுகின்றது. அத்துடன் மனிதக் கழிவுகள் வெளியேற்றம், கடலோர குடியேற்றம் மரங்களை வெட்டி காடுகளை அழித்தல் போன்ற மனித நடவடிக்கைகளால் இது மிகவும் பாதிக்கப்படுகிறது. நிலத்தின் கழிவுநீர், தொழிற்சாலை மற்றும் வேளாண் கழிவுகள் போன்றவை ஆற்றில் கலந்து கடல்முகத்துறை வழியே கடலுக்குள் செலுத்தப்படுகிறது. இந்த கலப்பிடங்கள் எளிதில் சரி செய்யப்பட இயலாது. அதிலும் பிளாஸ்டிக் பொருட்கள், பாலிதீன் பைகள், பூச்சிக் கொல்லிகள், பீனால், கன உலோகங்கள் போன்ற எளிதில் மட்காத பொருட்கள் கலப்பதால் இவை மிகுந்த பாதிப்பை கடல்வாழ் உயிரினங்களிடையே ஏற்படுத்துகின்றன.

நகரக்களால் சூழப்பட்டுள்ள கடல்முகத்துரை

இத்தகைய விஷப் பொருட்கள் கடல் வாழ் உயிரிகளின் உடலில் உணவாகச் சென்று சேதாரத்தை ஏற்படுத்துகின்றன.

சீனா மற்றும் ரஷ்யாவின் ஃபீனால், தொழிற்சாலைக் கழிவுகள் அமூர் ஆறுகளில் கலந்து மீன்களையும், கடல் முகத்துறையின் மண்ணின் தன்மையையும் பாழ்படுத்திவிட்டன.

கடல் முகத்துறைகளில் நீர் வந்து கொண்டே இருப்பதால் உற்பத்திச் செழிப்பு அதிகம் இருக்கும். இதனுடன் வேதிக்கழிவுகளான உரங்கள், மனித மற்றும் கால்நடைக் கழிவுகள் கலப்பதால் மாசுபாடு அடைவதோடு மேலும் உணவுத்தன்மை நிறைவு அதிகரிக்கிறது. இந்த மாசுபாடு நீரின் ஆக்ஸிஜன் அளைவைக் குறைப்பதால் உயிரினங்கள் இறக்க நேரிடுகின்றது. இது மீன் மற்றும் நீரின் தரம், பிற உயிரினங்களின் எண்ணிக்கையைக் குறைக்கிறது.

அதிகளவு மீன் பிடிப்பதால் மீன் வளம் குறைகிறது. வட அமெரிக்காவின் மிகப்பெரிய செஸ்பீக் விரிகுடா கடல்முகத்துறையில் முன்பு இறால்கள் அதிகமாக இருந்தன. ஆனால் தற்போதோ முற்றிலும் அழிக்கப்பட்டு விட்டது. காலங்காலமாக இவ்விறால்கள் அங்குள்ள மிதவை உணவுகளை 3 அல்லது 4 நாட்களுக்கு ஒரு முறை உண்டு தீர்த்துவிடும். ஆனால் தற்போது மிதவைகளை குறைக்க ஒரு வருடம் தேவைப்படுகிறது. அது மட்டுமல்லாமல் இந்த இறால்கள் மாசு விளைவிக்கும் பொருட்களை உட்கொண்டு செரித்து விடும். அல்லது வண்டலினுள் கொண்டு சென்று மாசு ஏற்படுத்தா வண்ணம் புதைத்துவிடும். எனவே கடல் வாழ் உயிரினங்களின் எண்ணிக்கை காக்கப்பட வேண்டும்.

நித் ஆற்றின் கடல்துரைமுகம்

தகவல்: