ஆங்கிலம் : கல்டிவேட்டடு சுகர்கேன்,நோபல்

ஹிந்தி : கன்னா, சகாரா, உக்

தமிழ் : கரும்பு

மலையாளம் : கரிம்பு, கரிம்ப்பு

கன்னடம் : கப்பு

• தண்டு வேர்கள், கனு வேர்கள் எனும் இருவகை கொண்ட வேர்த்தொகுப்பு பல நார்களை உடையது.

• கரும்பின் கரனை (விதைக் கரும்பு) மண்ணில் ஊன்றப்படும்போது, இரு தண்டுப்பாகங்களில் சேர்க்கைப் பகுதியில் உள்ள கணுவிலிருந்து வேர்கள் உருவாகின்றன.  இந்தக் கணு வேர்கள் தற்காலிகமானவை.

• கணு வேர் ஆனது கரனையை விதைத்த 24 மணி நேரத்தில் தோன்றி உருவாக ஆரம்பிக்கும்..

• தண்டு வேர்கள் என்பவை துாரின் கீழ்க்கணுவில் வேர்கள் சூழ்ந்துள்ள பகுதியிலிருந்து தோன்றுகின்றன..

• துார்ப்பகுதியிலிருந்து தொடர்ச்சியாக உற்பத்தியாகும் இவ்வேர்கள் நிரந்தரமானவை..

• கரணை விதைத்து 5-7 நாட்களுக்குப் பிறகே இந்த தண்டு வேர்கள் உற்பத்தியாகின்றன..

• கரும்பு ‘உடல் இனப்பெருக்க’ முறையில் அதன் தண்டின் மூலமே இனபெருக்கம் செய்யப்படுகின்றது.

• கரும்பின் தண்டானது உருளை வடிவில் கணு மற்றும் கணு இடைவெளிகளைக் கொண்டது.  கணு என்பது இலைத்தழும்பிலிருந்து வளர்ச்சி வட்டம் வரை உள்ள மொட்டுப் பகுதியைச் சுற்றி அமைந்த பகுதி ஆகும்.  கணு இடைவெளி என்பது இரண்டு கணுக்களுக்கு இடையே உள்ள பகுதி ஆகும்.

• கணுவில் பக்க மொட்டுக்கள், அடிப்படை வேர், வளர்ச்சி வளையம் போன்றவை அடங்கி இருக்கும்.

• மொட்டு காம்பின் ஒன்றுவிட்ட பக்கங்களில் இலைக் கணு இடுக்குகளில் அமைந்திருக்கும்.

• இலைத் தழும்பின் அடிப்பாகத்தில் அடிப்படை வேர்கள் வரிசையாக (அமைக்கப்பட்டிருக்கும்) காணப்படும்.

• ஒவ்வொரு கணுவின் மேற்புறமும் வளர்ச்சி வளையங்கள் அமைந்து, அவை மெழுகுப் பொருளால் சூழப்பட்டிருக்கும்.

• தண்டின் மேற்பகுதியில் (நுனியில்) சுக்ரோஸ் அளவு குறைவாகவே இருப்பதால், சர்க்கரை ஆலைகளுக்கு இவை குறைந்த மதிப்பையே ஈட்டித் தருகின்றன.

• இலையானது இலையுறை மற்றும் இலைப்பரப்பு எனும் இரு பகுதிகளைக் கொண்டது.  இலை இணைப்புப் பகுதியில் இவை இரண்டும் பிரித்தறியப்படுகின்றன.

• இலைத் தோகைகள் கணுக்களுடன் ஒன்று மாற்றி ஒன்று இணைக்கப்பட்டுள்ளன.

• இலையுறை குழாய் வடிவில் இலைக்காம்புடன் கணுப்பகுதியில் சொருகிய நிலையில் அமைந்துள்ளது.

• இலையுறையில் பிற்சேர்க்கையாக லிக்யூல் எனும் மெல்லிய உறை காணப்படும்.  இது முழங்குகளுடன் (நீண்ட முடி) காணப்படும்.  இலைப்பாகத்தை இலையுறையிலிருந்து பிரிக்கப்படுகிறது.

• இலையுறையின் நீட்டப்பட்ட மேற்பகுதி ‘ஆரிக்கிள்’ எனப்படுகின்றது.

• கரும்பின் மஞ்சரி அல்லது ‘மகரந்தக் குஞ்சம்’ பொதுவாக ஆங்கிலத்தில் ‘அர்ரோ’ என அழைக்கப்படுகிறது.  இது அடர்த்தி குறைவாக அமைந்த நுனிப்பான மஞ்சரி ஆகும்.

• 25-50 செ.மீ நீளம் கொண்ட மஞ்சரியின் பட்டுபோன்ற நீண்ட முடிகள் கதிர்க்கிளையின் கீழ் வட்டமாக காணப்படுகின்றன.

• கதிர்க்கிளையின் வரிசை  அமைவு ‘ரெசிமோஸ்’ எனப்படுகின்றது.

• ஒவ்வொரு மகரந்தக் குஞ்சமும் ஒரு விதையுடன் கூடிய ஆயிரக்கணக்கான சிறு பூக்களை கொண்டிருக்கும்.  பொதுவாக 10-12 மாதங்களில் இம் மஞ்சரிகள் தோன்றுகின்றன.  எனினும் சில கரும்பு இரகங்கள் பூப்பதே இல்லை.

• கரும்பு ஒரு ஒளி விரும்பித் தாவரம்.

• நல்ல சூரிய ஒளி சர்க்கரை மகசூலை அதிகரிக்கும்.

• கரும்பின் வளர்ச்சி மற்றும் முதிர்ச்சி,  சுமார் 7-9 மணி நேர சூரிய வெளிச்சத்தில் நன்றாக இருக்கும்.

• அதிகப் பனி, கட்டைப் பயிரில் மொட்டு முளைவிடுவதைப் பாதிப்பதால் கரும்பின் வளர்ச்சி பாதிக்கப்படும்.

• 1-2° செ. வெப்பநிலையானது வளர் திசுக்களைக் கொன்றுவிடும்.

மணிக்கு 60 கி.மீ வேகம் கொண்ட காற்று, வளரும் கரும்பினை சாய்ப்பதுடன் அதனை உடைத்து விடக்கூடும்.

மேலே செல்க

கரும்பு சாகுபடி புள்ளி விவரங்கள்

உலக அளவில் கரும்பின் பரப்பளவு, உற்பத்தி மற்றும் உற்பத்தித்திறன்

இந்தியாவில் பரப்பளவு, உற்பத்தி, உற்பத்தித்திறன் மாநிலவாரியாக (2008-2009)

தமிழகம், கேரளா, கர்நாடகாவில் கரும்பு பற்றிய புள்ளி விவரங்கள்(1999-2009)

மாவட்ட அளவிலான கரும்பு பரப்பளவு, உற்பத்தி, உற்பத்தித்திறன்

கரும்பின் பரப்பளவு, உற்பத்தி மற்றும் உற்பத்தித்திறன் (2007-08)

கேரளா

கரும்பு பரப்பளவு, உற்பத்தி, உற்பத்தித்திறன் (2006-07)

கர்நாடகம்

கரும்பு பரப்பளவு, உற்பத்தி, உற்பத்தித்திறன் (2006-07)

மேலே செல்க